Сонгууль бол иргэдийн шууд оролцооны эрхээ эдлэх анхан шатны бөгөөд суурь эрх юм. Засаг төрөө товхинуулахад иргэний зөв сонголт туйлын чухал бөгөөд түүний саналд чөлөөт, бодит мэдээлэл нөлөөтэй. Ийм ч учраас сонгуулийн аяны үеэр хэвлэл мэдээлэл онцгой үүрэг хүлээдэг. Манай улсад 1992 онд парламентын, 1993 онд Ерөнхийлөгчийн анхны чөлөөт, ардчилсан сонгууль болж, үүнээс эхлэн хэвлэл мэдээлэл сонгогчдод мэдээлэл түгээхэд чухал үүрэг гүйцэтгэсэн бөгөөд энэ явцдаа алдаа оноо бүхий сургамж, туршлагуудыг хуримтлуулсан билээ