"Сант Марал" сангаас Монгол Улсын нийгэм, улс төр, эдийн засгийн өнөөгийн байдлын талаарх олон нийтийн санал асуулгын шинэ судалгааг та бүхэнд толилуулж байна. Судалгаанд Улаанбаатар хот болон Архангай, Говь-Алтай, Дорноговь, Дорнод, Өвөрхангай, Сэлэнгэ, Увс зэрэг долоон аймгийн 1000 иргэн хамрагдсан. Судалгааг CAPI (компьютерийн тусламжтай хувийн ярилцлага) аргачлалаар цаг хугацааны хувьд 2024 оны 4 сарын 23-наас 5 сарын 19-ны хооронд явуулсан юм. Судалгааны дүнг нийслэл хот, хөдөө болон нийт дүнгээр харьцуулсан байдлаар харуулав.