2020 оны 3-р сард ДЭМБ нь КОВИД-19-ийг цар тахал хэмээн зарлав. Энэхүү тайланг бичиж байх үед дэлхий дээр 11,125,245 хүн уг өвчний халдвар авсан бөгөөд үүний улмаас 528,204 хүн нас баржээ. Вирусийн тархалтыг хянахын тулд ихэнх улс орнууд хүмүүсийн шилжилт хөдөлгөөн, хүний эрхэд зарим хязгаарлалт тогтоосон байна. Мөн зарим улс орнуудад цар тахлын хамгийн хүнд хэцүү үе хараахан эхлээгүй байна. Энэ хүнд цаг үед, эмч, эмнэлгийн болон зайлшгүй шаардлагатай ажилтнууд цар тахлын эсрэг хариу арга хэмжээ авахад онцгой үүрэг гүйцэтгэж байна. Тэд өөрсдийн эрүүл мэнд, аж амьдралаа эрсдэлд оруулан, хүнд нөхцөлд, маш бага дэмжлэгтэйгээр хүмүүст зайлшгүй хэрэгцээт эрүүл мэндийн тусламж үйлчилгээ, хоол хүнс, бусад хоол тэжээлийн хангамж хүргэхээр улс орон бүрт ажиллаж байна.