Дэлхий нийтийг хамарсан ”Ковид-19”-ийн нөлөө 1.6 тэрбум суралцагч, 63 сая багш нарт шууд сөргөөр нөлөөлсөн тоон мэдээ байна. Сургууль хаах үеийн сургалтыг цахим, теле, радио хичээлээр нөхөх оролдлого хийсэн ч бодит байдалдаа суралцагч төдийгүй багш нар шаардлагатай тоног төхөөрөмж, хэрэгслээр дутмаг байсан нь олон судалгаагаар илэрсэн юм. Тухайлбал, нийт суралцагчдын 50% орчим нь, багш нарын олонх нь интернэт, түүнд холбогдох төхөөрөмж дутмаг, түүнчлэн бусад сурагчдын адил гэрээр суралцаж буй өөрсдийн хүүхдээ харж хандахын хажуугаар шавь нарынхаа “тасралтгүй суралцах эрх”-ийг хангахын тулд хэн хэнээс илүү ачаалалтай ажиллаж байв.