Мөнгө угаах, терроризмыг санхүүжүүлэхийн эсрэг ФАТФ-ийн 8 дугаар зөвлөмж нь иргэний нийгэм, ашгийн бус салбарт шууд хамаарч байна. Уг судалгаагаар ФАТФ-ын 8-р зөвлөмжийн хэрэгжилтийн олон улсын нөхцөл байдал, улс орнуудын жишээг дэлгэрэнгүй танилцуулсан. 2017 оны 9 дүгээр сард танилцуулсан үнэлгээний тайлангаар Монгол Улс 8 дугаар зөвлөмж буюу ашгийн бус салбар дахь зөвлөмжийг хэрэгжүүлэхэд ‘хэсэгчлэн нийцсэн’ үнэлгээ авчээ. Энэ хүрээнд дараах зөрчил, дутагдал илэрчээ. Үүнд: I) Эрсдэлтэй ашгийн бус байгууллагуудын ойлголт мэдлэгийг дээшлүүлэх чиглэлд хүрч ажиллаагүй, II) Эдгээр байгууллагуудтай хамтран терроризмыг санхүүжүүлэхэд өртөж болох эрсдлийн эсрэг сайн туршлага боловсруулаагүй, III) Ашгийн бус байгууллагуудыг гүйлгээ хийхдээ зохицуулалттай санхүүгийн сувгууд ашиглахыг хөхүүлэн дэмжээгүй