Мянганы хөгжлийн Хүний эрхийг баталгаажуулах, ардчилсан засаглалыг хөгжүүлэх 9 дэх зорилго, Хүний эрхийн түгээмэл тунхаглалыг хүндэтгэж, хэвлэл мэдээллийн эрх чөлөөг хангаж, олон нийтэд мэдээллийг чөлөөтэй олж авах боломж олгох 20 дахь зорилтын хүрээнд Монгол Улсын дотоодын хууль олон улсын хүний эрхийн гэрээ, конвенцид нийцэж буй талаархи шинжээчдийн үнэлгээг хувиар тооцон гаргаж байна. Шинжээчдийн үнэлгээ өгөх асуулгыг боловсруулахад зөвхөн энэ салбарын судлаачид судалгаа хийх бус бусад судлаачид, мэргэжилтэн, олон нийтийн дунд хэлэлцүүлэг хийн тэдний санал зөвлөмжийг харгалзан үзсэн нь асуулга үр дүнтэй болж, үнэлгээ илүү бодитой болоход нөлөөлсөн байна.