Анх циркийг үйл ажиллагааг нь зориулалтын дагуу явуулах нөхцөлтэйгээр менежментийн хувьчлал хийсэн боловч хувьчилж авсан тал энэхүү гэрээний үүргээ биелүүлэлгүй 16 жил боллоо. Улсаас нэг ч төгрөг гаргахгүйгээр циркийн үйл ажиллагааг хэвийн явуулна гэсэн боловч циркчдийн бэлтгэл сургуулилт хийхэд сард 15 сая төгрөгийн төлбөр авч байсан тухай дараах эх сурвалжид дурьдсан байна. https://news.mn/r/2360500/

Аса группийн гэрээний эрхээ зөрчсөн талаар өмнө нь ШӨХТГ-аас асуудал дэвшүүлж байсан боловч шийдэгдээгүй. Мөн, дээр дурьдсан эх сурвалжид Соёлын яамнаас 2020 онд ажлын хэсэг байгуулан асуудлыг судалж байна гэсэн боловч өдийг хүртэл бас л шийдэгдсэнгүй. 

Үүнээс болоод Монголын бүхэл бүтэн үе хүүхэд насандаа цирк үзэж чадсангүй. Дэлхийд шилдэг нь байсан Монгол Цирк байхгүй боллоо.

Илэрхий гэрээний үүргээ зөрчсөн боловч ямар ч хариуцлага хүлээхгүй байгаа нь цаанаа авилга, албан тушаалын хэрэг нуугдаж байж болзошгүй гэсэн хардлага дагуулж байгаа тул Авилгатай Тэмцэх Газар болон Монгол Улсын Засгийн Газар энэхүү асуудалд анхаарлаа хандуулахыг хүсье!