УИХ-аас байгуулсан Монгол Улсын Хөгжлийн банкны асуудлаарх хянан шалгах түр хороо өнөөдөр хуралдаж, түр хорооны сонсголын тов тогтоох, түр хорооны сонсголд гэрчээр дуудах хүн, албан тушаалтны нэрс батлах, хянан шалгагч, шинжээч нарын ажлын хөлсийг тогтоох талаар хэлэлцлээ.   

Нотлох баримтыг шинжлэн судлах түр хорооны сонсголыг дараах 3 үе шаттай зохион байгуулахаар болов.

1. 2023 оны нэгдүгээр сарын 16-20-нд Хөгжлийн банкнаас олгосон зээл, эргэн төлөлт, зээл олгосон албан тушаалтан, зээлдэгчид, хамаарал бүхий этгээдүүдээс гэрчийн мэдүүлэг авах, зээлийн ашиглалт, зарцуулалтын төлөв байдалд гаргасан хянан шалгагч, шинжээч нарын мэдээллийг сонсоно.

2. 2023 оны хоёрдугаар сарын 6-10-нд Хөгжлийн банкны эх үүсвэрээр улсын төсвөөс эргэн төлөгдөх нөхцөлтэй, хөрөнгө оруулалтын шинж чанартай төсөл, арга хэмжээнд олгосон зээлийн ашиглалт зарцуулалт, үр дүн, Хөгжлийн банкны үйл ажиллагаанд хийсэн эрх бүхий байгууллага, хөндлөнгийн хяналт шалгалтын болон улсын аудитын компаниудын дүгнэлт зөвлөмж, өгсөн үүрэг даалгаврын хэрэгжилт, үр дүнгийн байдал, холбогдох гэрчээс мэдүүлэг авах

3. 2023 оны гуравдугаар сарын 13-17-нд Хөгжлийн банкны эх үүсвэрээс арижлааны банкуудаар дамжуулан төсөл, хөтөлбөрийн зээлийн ашиглалт, зарцуулалт, үр дүн, шаардлагатай гэрчийн мэдүүлэг авах, Хөгжлийн банкны бусдаас татан төвлөрүүлсэн хөрөнгийн удирдлага, зарцуулалт, ашиглалт, үр дүнгийн талаар хянан шалгагчийн мэдээлэл сонсох, нээлттэй сонсголын үр дүнг хэлэлцэх, цаашид авах арга хэмжээний тухай шийдвэрийн төсөл сонсох байдлаар 

            Хянан шалгах түр хорооны дарга Б.Энхбаяр “Гэрчээр дуудсан хүмүүс ирээгүй бол төрийн алба хааж буй тохиолдолд Төрийн албаны тухай хуулиар хариуцлага хүлээлгэх, иргэдийн хувьд Зөрчлийн тухай хуулиар торгуулах арга хэмжээ авна. Гэрчээр дуудаж байгаа хүмүүсийн нэрийг урьдчилж зарлах ёстой юм байна. Гэрчээр дуудагдсан учраас тухайн хүнийг сэжиглээд, байцааж байгаа гэж ойлгох нь өрөөсгөл. Хэрэг учирлыг тодруулах үүднээс шаардлагатай асуудлаар мэдээлэлтэй, албан тушаал хашиж байсан учраас дуудаж байгаа” гэв. Хянан шалгах ажлын хүрээнд одоогоор нэг сая гаруй банкны гүйлгээг шалгасан байна.

             Хөгжлийн банкны асуудлаарх хянан шалгах түр хорооны хянан шалгагчаар Монголбанкны Хууль эрх зүйн газрын ахлах мэргэжилтэн Б.Мөнх-Оршихыг 2022 оны арваннэгдүгээр сарын 14-нд томилсон. Гэвч хянан шалгагчаар ажиллахаас өөрийн хүсэлтээр маргааш нь татгалзсан байна. Түр хорооны шинжээчээр Ч.Амарбаясгалан, О.Мөнхбат нарыг томилуулахаар тогтоолд тусгасан бөгөөд гишүүдийн олонх дэмжлээ.

• Ч.Амарбаясгалан нь 1985 онд төрсөн, ХЗДХЯ-ны Гэмт хэргээс урьдчилан сэргийлэх зөвлөлийн Ажлын албанд ахлах мэргэжилтнээр ажиллаж байгаа, өмнө нь Сангийн яам, Дэлхийн банк, Азийн хөгжлийн банканд ажиллаж байсан, хуульч, эдийн засагч мэргэжилтэй.
• О.Мөнхбат нь 1993 онд төрсөн, itoim.mn сайтад сэтгүүлчээр ажилладаг, дата аналистын чиглэлээр мэргэшсэн аж.  

           Түр хорооны дарга Б.Энхбаяр “Хөгжлийн банканд өмнө нь хийгдсэн бүхий л шалгалтын материалын дүнг албажуулж ирүүлэх тогтоол гаргасан байдаг. Уг тогтоолын хүрээнд хяналт шалгалтын ажил хийх явцад 2020 онд Монголбанкны ерөнхийлөгч Б.Лхагвасүрэн, тухайн үеийн Сангийн сайд Ч.Хүрэлбаатар нарын хамтарсан удирдамжаар Хөгжлийн банканд хийгдсэн хяналт шалгалтын материалыг ирүүлээгүй. Материалыг хоёр удаа нэхсэн. Хамгийн сүүлд ирүүлсэн материалыг Сангийн сайд албажуулаагүй байсан. Хөгжлийн банканд гарсан зөрчил, дутагдал тухайн албажуулаагүй шалгалтаар илэрсэн байжээ. Тухайн үеийн Сангийн сайд Ч.Хүрэлбаатар эс үйлдлээр шалгалтын дүнг албажуулахгүй, нуун дарагдуулсан байна гэж үзнэ. Монголбанкны ерөнхийлөгч Б.Лхагвасүрэн шалгалтын дүнг албажуулаад гарын үсэг зурж, Сангийн яаманд 2020 онд хүргүүлж байжээ. Гэвч албажуулах байтугай Засгийн газарт энэ талаар танилцуулаагүй байна. Түр хорооноос хоёр ч удаа нэхэж байж, сүүлдээ албан шаардлага хүргүүлсний эцэст үүнийг ирүүлсэн. Энэ ямар учиртайг тодруулахын тулд Сангийн сайд Б.Жавхланг дуудсан” хэмээв.

Түр хорооны сонсголд гэрчээр дуудах 152 хүний нэрийг зарлав. Эдгээрээс заримыг нь доор жагсаав.

1. 2012 онд байгуулсан Бондын зөвлөл гэгддэг Бодлогын зөвлөлийн бүрэлдэхүүн (Ерөнхий сайд Н.Алтанхуяг, Эдийн засаг, хөгжлийн сайд Н.Батбаяр, Сангийн сайд Ч.Улаан, ЗГХЭГ-ын дарга Ч.Сайханбилэг, Үйлдвэр, хөдөө аж ахуйн сайд Х.Баттулга, Уул уурхайн сайд Д.Ганхуяг, Барилга, хот байгуулалтын сайд Ц.Баярсайхан, Эрчим хүчний сайд М.Сономпил, Зам, тээврийн сайд А.Гансүх, УИХ-ын Эдийн засгийн байнгын хорооны дарга Б.Гарамгайбаатар, Төсвийн байнгын хорооны дарга Ц.Даваасүрэн, Монголбанкны ерөнхийлөгч Н.Золжаргал, Санхүүгийн зохицуулах хорооны дарга Д.Баярсайхан, Ерөнхийлөгчийн Тамгын газрын дарга П.Цагаан, УИХ-ын даргын ахлах зөвлөх Одхүү, Нийслэлийн Засаг дарга Э.Бат-Үүл, Эдийн засгийн хөгжлийн яамны ТНБД Шинэбаатар)

2. Ц.Элбэгдорж

3. Х.Баттулга

4. Ч.Хүрэлбаатар

5. С.Бямбацогт

6. Б.Чойжилсүрэн

7. Ш.Адьшаа

8. Г.Амартүвшин

9. Ц.Анандбазар

10. Ё.Баатарбилэг

11. Г.Дамдинням

12. Х.Ганхуяг

13. Ч.Ундрам

14. О.Цогтгэрэл

15. Ч.Сайханбилэг

16. Ж.Эрдэнэбат

17. С.Баярцогт

18. Ц.Гарамжав

19. А.Сүхбат

20. Д.Энхтайван

21. Б.Ундармаа

22. Д.Хүрэлбаатар

23. Б.Болор

24. Д.Цогтбаатар

25. З.Баянсэлэнгэ

26. Г.Мөнхбаяр

27. Б.Эрдэнэбат

28. М.Билэгт

29. Э.Золзаяа

УЛСЫН ИХ ХУРЛЫН ХЯНАН ШАЛГАХ ТҮР ХОРООНЫ СОНСГОЛД ГЭРЧЭЭР ДУУДАХ ХҮМҮҮСИЙН НЭРС

/2012 онд байгуулагдсан Бодлогын зөвлөлийн бүрэлдэхүүн, тухайн үеийн албан тушаалаар/

/Зээлдэгчдийн төлөөлөл/