Нийтийн сонсголын тухай хуулийг 2015 онд баталж, 2016 оноос хэрэгжүүлж эхэлсэн. Төрийн байгууллага, албан тушаалтан тодорхой асуудлаар нийтийн сонсголыг зохион байгуулж, иргэдийн оролцоог хангахад уг хуулийн зорилго оршдог. Нийтийн сонсгол гэж юу болох, хэдэн төрөлтэй, ямар тохиолдолд тэдгээрийг зохион байгуулах боломжтой талаарх мэдээллийг дараах постеруудаас авна уу.

              Төсвийн хяналтын сонсголыг Засгийн газар, төрийн захиргааны болон нутгийн өөрөө удирдах байгууллага жил бүр зохион байгуулах ёстой. Ингэхдээ улсын, орон нутгийн төсөв, Нийгмийн даатгалын болон Хүний хөгжлийн сангийн, гадаад болон дотоод зээл, буцалтгүй тусламж гээд нийт зургаан төрлөөр төсвийн хяналтын сонсгол явуулах хуультай аж.