УИХ-ын чуулганы ирцийг жил бүрийн хавар болон намрын чуулган тус бүрээр харуулж байна. Ингэхдээ чуулганы хуралдаан бүрийн ирц, хоцорсон хугацааны нийлбэр дүнг оруулж тооцсон.
Ирцийн мэдээллийг бүртгэхдээ Монгол Улсын Их Хурлын чуулганы дэгийн тухай хуулийн дагуу Улсын Их Хурлын албан ёсны цахим хуудаст байршуулсан чуулганы хуралдааны тэмдэглэлийг эх сурвалж болгон ашиглалаа.
Тэмдэглэлд бүртгэгдсэн ирц бүрийн дүнг нэгтгэж нийлбэрээр тооцсон. Үүнд үдээс өмнөх болон үдээс хойших чуулганы ирцийн бүртгэлийг тус бүр оруулж тооцсон болно.
*Жич: УИХ-ын албан ёсны цахим хуудас болох parliament.mn сайтад 2024 оны хаврын чуулганы нэгдсэн хуралдааны тэмдэглэлүүд дутуу орсонтой холбоотойгоор 2024 оны хаврын чуулганы ирцийг тооцоход 04/18, 05/16, 05/17, 05/22, 05/24, 05/28, 05/30, 05/31, 06/05 өдрүүд буюу нийт 9 өдрийн ирцийг тооцон оруулах боломжгүй байна. Иймд 2020-2024 оны чуулганы нэгдсэн ирцэд дээрх 9 өдрийн ирц ороогүй болохыг анхаарна уу. Хэрэв уг мэдээллийг эх сурвалж болгон ашиглах бол зөвшөөрөл авч, дээрх холбогдох тайлбарыг заавал оруулахыг анхааруулж байна.
Мэдээллийн ил тод байдал хангалтгүй байгаагаас иргэдийн мэдэх эрхийг хангахад хүндрэл учирч буйд хүлцэл өчье.